Мақал мәтелдер, (достық, дұшпандық туралы)

11 қазан 2016 - Админ

Жолдастының жолы кең.

 

Ынтымақты үйдің бағы бар,

ынтымақ кетті, бақ кетті.

 

Қимас досың сұраса, қимасыңды бергейсің.

 

Жолдасың жаман болса,

Алыс жүріп түн қатпа.

Қатының жаман болса,

Кісі алдында тіл қатпа.

 

 Көргенді кісі

 Көргенін айтар,

 Көргенсіз кісі

 Бергенін айтар.

 

Жаман қорыққанын сыйлайды.

 

Жолдасы көптің – олжасы көп.

 

Жолдасты жол айырады.

 

Досы көппен сыйлас,

Досы азбен сырлас.

 

Әңгіме жол қысқартады.

 

Досы жоқ адам – тұзы жоқ тағам.

 

Шошқаға ерген – балшыққа аунар.

Жолдасын тастаған – жолда қалар.

 

Досыңды мақтағаның — өзіңді жақтағаның.

 

Ағаш тамырымен, 
Адам досымен мықты.

 


Дос сыртыңнан мақтар, 
Дұшпан көзіңе мақтар.


Дұшпан күлдіріп айтады, 
Дос жылатып айтады.


Досың дос болғанға шаттан, 
Дұшпанмен дос болудан сақтан.


Жаман жолдастан жақсы дұшпан артық.

 

Ерегескен ел болмайды, 
Есептескен дос болмайды.


Екі жақсы қосылса, 
Өлгенінше дос болады, 
Екі жаман қосылса. 
Өлгенінше қас болады.


Мыңның түсін танығанша, 
Бірдің атын біл.


Заттың жаңасы жақсы, 
Достың ескісі жақсы.


Жігіт жолдасынан белгілі.

 

Біреу жаныңа жолдас, 
Біреу малыңа жолдас.


Жақсымен жолдас болсаң, 
Жетерсің мұратқа. 
Жаманмен жолдас болсаң, 
Қаларсың ұятқа.


Құс қанатымен, 
Ер жолдасымен.


Ай көрмесең туысың жат, 
Жыл көрмесең жолдасың жат


 

Осыған ұқсас жазбалар:

ОқушыларғаМақал мәтелдер, (Оқу білім туралы)

ОқушыларғаМақал мәтелдер, (Бірлік, ынтымақ туралы)

ОқушыларғаМақал мәтелдер, (Отан, туған жер туралы)

ОқушыларғаМақал мәтелдер, (тіл-сөз туралы)

ОқушыларғаМақал мәтелдер, (үлгі-өнеге, тәлім-тәрбие туралы)

Сабақ жоспарлары сайты,      www.jospar.kz - 3334285

Пікірлер (0)

Пікір жазылған жоқ, алғашқы болыңыз!

Сайт редакциясының

Электронды почтасы:

bioustaz@mail.ru