Әлемге аян Әнуар Әлімжанов

3 желтоқсан 2016 - Кенжегул Бекбаева
Әлемге аян Әнуар Әлімжанов

                                                                   Әлемге аян Әнуар Әлімжанов

                                                                                                                    Ағам бар еді, мір тілді,

                                                                                                                   Жағам бар еді — жыртылды.

                                                                                                                   Жас парлап тұрған жүрекпен,

                                                                                                                   Жұбатам қалай жұртымды?

                                                                                                                                    Сәкен Иманасов   

      Атадан туып, адамның баласы болған Әнуар тек қазақ халқының ғана емес,  бүкіл адамзат баласының сөзін сөйлеген публицист жазушы болды десем, асыра айтқандық бола қоймас. Балалық шағы ел есігінде өткен Әнуар Әлімжанов, әке — шешесінің аялы алақанын сезінбегенімен, әкесінің көзін көргендерден жақсылықты көп көрді, содан болар, оның шығармаларында туған жері Қарлығаш, Ақтұма, Екпінді, Лепсі қаласы, Тентек өзені, Жоңғар Алатауының бергі, арғы жағы сезімді қоюлатар шеберлік үлгісімен қапысыз бейнеленген. Әнуар Әлімжанов қаламының қуаты, беделдігі сол  ол ешкімді, ешбір елді, ұлтты жатырқамай, "сыздаған жарасының аузынанан" табылады, оның қуанышына жүрегі жарыла қуанып, қасіретіне еңіреп жылап, қаламынан тамған ащы сия найзағай боп ойнайды.  Әнуар аға жайлы қанша қаламыңды тербетсең де, ол жайлы естелік пен еңбегі бітер емес.

    Әнуар Әлімжанов өмірден ерте кетті. Бірақ оның есімі қазақ халқының жүрегінде күн нұрымен, алтын әріппен жазылып қалды.  Талай ауқымды қызметтер атқарып, ұмытылмастай игілікті істерді тыңдырып кетті.Әнуар жер жүзі елдерін ең көп аралаған қазақ екеу болса — бірі, жалғыз болса — өзі еді. Ол Азия мен Африканың көп елдерінде болып, қазақтың кім екенін, қандай болатынын талай халыққа танытты! Көп елдерге де қазақтардан бірінші болып барған Әнуар еді. Ол талай ірі қайраткерлермен таныс емес, дос болған. Әнуар қолдарына "Алаулы найза " ұстаған негрлердің азаматтық күресін жырлады. Адамдар жүректерінің арасына "Қарасұңқар" көпірін салды. Қазақтың Отырар тәрізді өшкен ұлы қаласынан өлмес "базарлықты" таратты. Мәңгілік ұйқыда жатқан Әл — Фараби атын жаңғыртып, "Бұл біздің атамыз!" деп барша әлемге мақтанышпен жар салды. Сөйтіп біздің ұлттық санамызға "Әл Фараби!" деген мәңгі өшпейтін шырақ жақты. Махамбет сияқты  мәңгілік жыршы — батыр бабамыздың әділдік әуенін әлемге есіртті. Өстіп, ол артына "Адамдар жолын" — ақиқаттың өшпес ізін қалдырды.

      Жалпы, Әнуар әлемі бүгінгі ұрпаққа еңбекқорлығымен, ба­тыл­ды­­ғымен, қайсарлығымен қым­бат. Оның азаматтық ұста­ным­­дары кезінде тек Одақ кө­лемінде ғана емес, Халықар­алық деңгейде әйгіленді. Талай тартысты жиындарда қа­зақ­тың даңқын аспандатты. Қа­ра­пайымдылығымен, кіші­пейіл­ді­лігімен еліне сыйлы болды. Ендігі міндет Әнуар мұрасын танып-таразылап, ұрпақ кәдесіне жарату деп ойлаймыз.

 "Жақсының аты өлмейді, ғалымның хаты өлмейді" демекші, Әнуар бабамыз  біз үшін мақтаныш деп білемін.

                          

Сабақ жоспарлары сайты,      www.jospar.kz - 3364848

Пікірлер (0)

Пікір жазылған жоқ, алғашқы болыңыз!

Сайт редакциясының

Электронды почтасы:

bioustaz@mail.ru