Қапан Мусин

Қапан Мусин

Дәрисниң мавзуси: Қапан Мусин

Дәрисниң мәхсити: І. Оқуғучиларға қазақ композитори Қапан

Мусинниң һаяти вә әсәрлири билән

тонуштуруш.

ІІ. Оқуғучиларниң қазақ музыка сәнъитигә

болған қизиқишини ашуруш.

ІІІ. Хәлиқниң мәдәнийитини, сәнъитини

иззәтләйдиған, милләтпәрвәр пухра

тәрбийиләш.

Дәрисниң түри: арилаш

Қоллинилидиған усул: чүшәндүрүш, сөһбәт, музыка тиңшаш, соал-жавап.

Көрнәклик қураллар: композиторниң портрети, дәрислик, сүрәтләр, равап,

карточкилар в.б.

Дәрисниң бериши

І. Уюштуруш қисими: Саламлишиш, оқуғучиларниң зеһини дәрискә жәлип қилиш.

ІІ. Өй тапшурмисини сораш:

Оқуғучиларға өй тапшурмиси һәққидә соаллар қоюш арқилиқ билимини тәкшүрәш.

«Әсирләр садаси» ораториясини ким язди?

Оратория нәччә бөлүмдин туриду?

1-2- бөлүмлири һәққидә немә чүшәндиңлар?

Баллада дегинимиз немә?

ІІІ. Өткән мавзулар бойичә билимини тәкшүрәш:

Оқуғучиларға өткән мавзулар бойичә соаллар қоюш арқилиқ билимини тәкшүрәш.

Қазақстан Жумһурийитиниң дөләт Гимнини кимләр язди?

С.Мухамеджанов қачан вә қәйәрдә туғулди?

Хор дегинимиз немә?

Хордики авазларниң бөлүниши?

Кларнет қандақ әсвап?

Вариация дегинимиз немә?

Симфониялик музыка қандақ жанрлардин туриду?

ІҮ. Мәхсәт қоюш:

Оқуғучиларға қазақ хәлқиниң композитори Қапан Мусинниң һаяти вә униң әсәрлири билән тонуштуруш арқилиқ, хәлиқниң мәдәнийитини, сәнъитини иззәтләйдиған, милләтпәрвәр пухра тәрбийиләш.

Ү. Йеңи мавзу:

Балилар, бүгүн биз қазақ хәлқиниң композитори Қапан Мусинниң һаяти вә униң әсәрлири билән тонушимиз.

Қапан Мусин 1921-жили Ғәрбий Қазақстан вилайитиниң Ақоба йезисида туғулған.

Композитор, Қазақстан дөләт мукапитиниң лауреати.

Музыка қабилийитиниң шәкиллинип өсүшигә ата – анисиниң тәсири күчлүк болған.

У балилиқ чағлиридин тартипла домбрини яхши чалидиғанлиғи билән тонулған, чалғу әсваплириға айрим — айрим музыка яритишқа тәлпүнгән.

1934- жили Алмута музыка училищесиниң скрипка синипинии пүтириду. 1939-жили Москва консерватриясиниң қазақ студиясидә билим алиду, бир жидин кейин мошу консерваторияниң композиторлиқ бөлүмигә авушиду. 1954-жили Алмута консерваториясиниң композиторлуқ бөлүмини пүтириду. 1943-53 жиллири һазирқи Қазақ академиялик хәлиқ әсваплар оркестрида дирижер болуп ишләйду. 1954-жидин өмриниң та ахириғичә Алмута консерваториясидә ишләйду. Мусин әсәрлириниң асасий мавзуси Вәтән, қарапайим әмгәк адәмлириниң әрлиги тәсвирәнгән.

Қапан Мусин қазақ композиторлири ичидә биринчи болуп симфониялик жанрда қәләм тәврәтти.

Композиторниң «Жайлауда», «Халық бақыты үшін», «Клхоз тойы» намилиқ симфониялик поэмилири, «Гүлденген Қазақстан» симфонияси билән до мажорлуқ 2-симфонияси, «Жас шахтер маршы», «Жастық шақ» вә башқиму нурғунлиған нахшилири бар. У йәнә кинофильмлар билән драмилиқ спектакльларға музыка язди.

Қапан Мусин 1970-жили Алмута шәһиридә вапат болди.

Симфониялик поэма – хәлиқниң һаятидин елинған, тарихий чинлиқни, әркинлик үчүн күрәшни яки тәбиәт көрүнүшлирини баян қилидиған бир қисимлиқ әсәр.

Алдин – ала тәйярланған мавзуси бар мәлум бир әсәрләр йөнилишлик музыка дәп атилиду.

ҮІ. Йеңи мавзу бойичә билимини тәкшүрәш:

Оқуғучиларға йеңи мавзу бойичә соаллар қоюш арқилиқ алған билимини тәкшүрәймән.

«Жайлауда» симфониялик поэмидин үзүндә тиңшитиш.

ҮІІ. Йәкүнләш:

Мана балилар бүгүн биз қазақ хәлқиниң композитори Қапан Мусинниң һаяти вә униң әсәрлири билән тонуштуқ, бүгүнки мавзу бойичә чүшәнмигән йериңлар болса сораңлар.

ҮІІІ. Өйгә тапшурма бериш:

24 бәт оқуп келиш

Баһалаш: Дәрискә паал қатнашқан оқуғучиларға адил баһа қоюш.

Осыған ұқсас жазбалар:

МузыкаХор капелласиниң концерти

МузыкаЛатиф Хамиди

МузыкаП.И.Чайковский

МузыкаШәмші Қалдаяқов

МузыкаАрам Ильич Хачатурян

Сабақ жоспарлары сайты,      www.jospar.kz - 1151041

Теги: музыка
Пікірлер (0)

Пікір жазылған жоқ, алғашқы болыңыз!

Сайт редакциясының

Электронды почтасы:

bioustaz@mail.ru

Блогтағы жазбалар