Абай вә униң нахшилири

Дәрисниң мавзуси: Абай вә униң нахшилири

Дәрисниң мәхсити: 1. Оқуғучиларға қазақ хәлқиниң улуқ ақыни

АбайҚунанбайевниң һаяти вә униң

нахшилири билән тоуштуруш.

2. Оқуғучиларниң қазақ хәлқиниң кәспий музыка

сәнъитигә болған қизиқишини ашуруш.

3. Оқуғучиларникичикпеиллиққа, гөзәлликкә,

кичикпеиллиққа, адәмгәрчиликкә тәрбийиләш.

Қоллинилидиған усул: чүшәндүрүш, мәшиқләндүрүш, сөһбәт,үгитиш

Көрнәклик қураллар: Аабайниң портрети, равап, карточкилар, сүрәтләр в.б

Дәрисниң бериши

І. Уюштуруш қисми:

Оқуғучиларни уюштуруп, дәрискә жәлип қилиш, дәристә бар- йоқларни бәлгүләш

ІІ. Өй тапшурмисини сораш:

Қазақ хәлқиниң нахшичи композитори Жаяу Мусаниң «Ақ сиса» нахшиси һәққидә чүшәндүриңлар?

ІІІ. Өткән мавзулар бойичә билимини тәкшүрәш:

Өткән мавзулар бойичә оқуғучиларға соаллар қоюш арқилиқ билимини тәкшүрәш.

Ақан серіниң һаяти вә униң нахшилири?

Балқадиша нахшиси немә һәққидә йезилған?

Биржан сал қачан вә қәйәрдә туғулған?

Биржанниң қандақ нахшилири бар?

Жаяу Муса қачан вә қәйәрдә туғулған?

Оқуғучиларға өткән мавзу лар бойичә карточкилар билән ишләп, уларниң чүшәнмигән йәрлирини чүшәндүрүп, диққитини йеңи мавзуға жәлип қилиш.

ІҮ.Мәхсәт қоюш:

Оқуғучиларға қазақ хәлқиниң улуқ ақыни АбайҚунанбаевниң һаяти вә униң

нахшилири билән тоуштуруш арқилиқ гөзәлликкә, кичикпеиллиққа, адәмгәрчиликкә тәрбийиләш.

Ү. Йеңи мавзу

Балилар бүгүн биз қазақ хәлқиниң улуқ ақыни Абай Қунанбай оғлиниң һаяти вә униң нахшилири билән тоушимиз.

Абай Қунанбай оғли 1845-жили Шималий Қазақстан вилайитиниң Абай наһийәсигә қарашлиқ Қасқабулақ яйлиғи дегән йәрдә дунияға кәлгән.Абай Ескітам йеридики дадиси ачқан мәдрисидә оқуп билим алған. У 10 яшқа кәлгәндә дадиси уни Ахмет Риза мәдрисигә бериду. У йәрдә үч жил билим елип, андин үч ай орусчә оқуйду. Абай шу жиллири әрәп, парис, шағатай вә рус тиллирини үгиниду.

У шеир йезишни 10 йешидин башлиған. Абай рус шаирлириниң әсәрлирини тәржимә қилған. М.Лермонтов өз заманисида рус тилиға тәржимә қилған Гетениң

«Горные вершины» дегән шеириға рус композитори А.Рубинштейн музыка язған.Бу нахшиниң сөзи билән аһаңи Абайниң қәлбини шунчелик чулғап алғанки, шаир уни илһам билән «Қараңғы түнде тау қалғып» дегән нахшини ижат қилиду. Абай пәқәт рус хәлқиниң нахшилиринила әмәс, классикилиқ музыкиларниму яхши билгән. Абайниң «Айттым сәлем қаламқас», «Көзімнің қарасы», «Сегіз аяқ», «Қараңғы түнде тау қалғып», «Желсіз түнде жарық ай» в.б нахшилири бар.

«Желсіз түнде жарық ай» нахшиси образға маслиғи өз ара рошәнлиги вә аһаңи билән алаһида гәвдиләнгән нахшидур. Музыкиси билән сөзи бир туташ бәдиий образ һасил қилип, айдиң кечидики гөзәл түнни көз алдиңға гәвдиләндүрүп бериду. Абай Қунанбай оғли 1904-жили вапат болиду.

VІ. Йеңи мавзу бойичә билимини тәкшүрәш:

Оқуғучиларға йеңи мавзу бойичә соаллар қоюш арқилиқ билимини тәкшүрәш.

VIІ. Йеңи мавзу бойичә билимини йәкүнләш:

Мана, балилар бүгүн биз қазақ хәлқиниң улуқ ақини, композитори Абайниң һаяти вә униң нахшилирини биливалдуқ, бүгүнки мавзу бойичә чүшәнмигән йәрлириңлар болса сораңлар.

VII Өйгә тапшурма: Абай нахшилири оқуш

Баһалаш:


Сабақ жоспарлары сайты,      www.jospar.kz - 1141134

Пікірлер (0)

Пікір жазылған жоқ, алғашқы болыңыз!

Сайт редакциясының

Электронды почтасы:

bioustaz@mail.ru

Блогтағы жазбалар