Латиф Хамиди

Латиф Хамиди

Дәрисниң мәхсити: 1. Оқуғучиларға композитор Латиф Хамидиниң

һаяти вә униң әсәрлири билән тонуштуруш.

2. Оқуғучиларниң қазақ хәлқиниң кәспий музыка

сәнъитигә болған қизиқишини ашуруш.

3. Оқуғучиларни қазақ хәлқиниң кәспий музыка

сәнъитини иззәт қилишқа тәрбийиләш.

Қоллинилидиған усул: чүшәндүрүш, мәшиқләндүрүш, сөһбәт,үгитиш

Көрнәклик қураллар: дәрислик, равап, карточкилар, сүрәтләр в.б

Дәрисниң бериши

І. Уюштуруш қисми:

Оқуғучиларни уюштуруп, дәрискә жәлип қилиш, дәристә бар- йоқларни бәлгүләш

ІІ. Өй тапшурмисини сораш:

Абай оперисиниң қисқичә мәзмуни?

ІІІ. Өткән мавзулар бойичә билимини тәкшүрәш:

Оқуғучиларға өткән мавзулар бойичә соаллар қоюш арқилиқ билимини тәкшүрәш.

    1.Романс дегинимиз немә?

    2. А.Жубанов қачан вә қәйәрдә дунияға кәлди?

    3. Классикилиқ музыка дәп қандақ музыкини атайду?

    4. «Биржан-Сара» оперисини ким язған?

    5.Е.Г.Брусиловскийниң қандақ әсәрлири бар?

    6.А.Жубановниң қандақ әсәрлири бар?

Оқуғучиларға өткән мавзулар бойичә карточкилар билән ишләп, уларниң чүшәнмигән йәрлирини чүшәндүрүп, диққитини йеңи мавзуға жәлип қилиш.

ІҮ.Мәхсәт қоюш:

Оқуғучиларға композитор Латиф Хамидиниң һаяти вә униң әсәрлири билән тонуштуруш арқили қазақ хәлқиниң кәспий музыка сәнъитини иззәт қилишқа тәрбийиләш.

Ү. Йеңи мавзу

Балилар бүгүн биз қазақ хәлқиниң композитори Латиф Хамидиниң һаяти вә униң әсәрлири билән тоншимиз.

Латиф Абдулхәй оғли Хамиди 1906-жили һазирқи Татарстанниң Апас наһийәсигә қарашлиқ Бували йезисида дунияға кәлгән. 1913-жили ата-аниси билән Сәмәрқәнткә йеқин Катта-Қорған йеригә көчүп келиду. Латиф шу йәрдики мактәпкә берип, саватини ачиду вә фортепиано, скрипка әсваплирини челишни үгиниду. Мәктәпни тамамлап 1926-жили Ташкәнттики Хәлиқ ақартиш институтида оқуйду. 1931-жили Москвадики музыкилиқ техникумини,

1938-жили болса Москва консерваторияси йенидики татар опера студиясини тамамлайду. 1933-жили Мәмликәтлик қазақ драма театриниң чақириғи билән Алмутиға келиду.

1934-1935 жиллири Қазақ радио хорини уюштурғучи вә йетәкчиси болиду. 1938-1940 жиллири һазирқи Қазақ академиялик хәлиқ әсваплар оркестриниң дирижери вә бәдиий рәһбири,1940-1942 жиллири Қазақ хор капелласиниң дирижери вә йетәкчиси, 1942-жилдин Алмута музыка училищесида, 1944-жилдин Алмута консерваториясидә ишләйду.

Латиф Хамиди 1920-жиллардин тартип нахшиларни чиқиришқа башлиған. У қазақ хәлқиниң кәспий музыка сәнъитидә дәсләп вальс жанрини ижат қилған композитор.Униң хәлиқ арисиға кәң таралған «Қазақ вальси», «Булбул» охшаш нахшилири, хорлири, симфониялик әсәрлири вә «Абай», «Жамбыл» оперилири, «Жамбыл мен Айкүміс» пьесиси, «Балбұлақ» опереттаси бар. Л.Хамиди қазақ оқуғучилириға арнап «Домбра үгиниш мәктиви», «Дирижерлуқ қилишниң асаслири» охшаш әмгәкләрни яратти. Л.Хамиди 1983-жили вапат болди.

VІ. Йеңи мавзу бойичә билимини тәкшүрәш:

Оқуғучиларға йеңи мавзу бойичә соаллар қоюш арқилиқ билимини тәкшүрәш.

VIІ. Йеңи мавзу бойичә билимини йәкүнләш:

Мана, балилар бүгүн биз композитор Латиф Хамидиниң һаяти вә униң әмгәклири билән тонуштуқ, бүгүнки мавзу бойичә чүшәнмигән йәрлириңлар болса сораңлар.

VII Өйгә тапшурма:75-бәт оқуш

Баһалаш:

Осыған ұқсас жазбалар:

МузыкаШәмші Қалдаяқов

МузыкаХор капелласиниң концерти

МузыкаП.И.Чайковский

МузыкаАрам Ильич Хачатурян

МузыкаҚапан Мусин

Сабақ жоспарлары сайты,      www.jospar.kz - 1072403

Теги: музыка
Пікірлер (0)

Сайт редакциясының

Электронды почтасы:

bioustaz@mail.ru

Блогтағы жазбалар