Орта білім беру мекемелерінде 2016-2017 оқу жылының басталуы туралы

6 тамыз 2016 - Админ
Орта білім беру мекемелерінде 2016-2017 оқу жылының басталуы туралы

2016 жылдың 1 қыркүйегінде бүкіл қазақстандық мектептерде, меншік нысандарына және ведомстволық бағыныштылығына қарамастан, 2016/2017 оқу жылы басталады. 

 

Оқу жылының ұзақтығы мектепалды дайындық сыныптарында 32 оқу аптасын, 1-сыныптарда – 33 оқу аптасын, 2-11 (12)-сыныптарда – 34 оқу аптасын құрайды.

 

Оқу жылы барысындағы каникулдар ұзақтығы мен күні белгіленді.

 

Оқушылардың күзгі демалысы 7 күнге созылады (2016 жылғы 31 қазаннан – 6 қарашаны қоса алғанда), қысқы – 10 күн (2016 жылғы 30 желтоқсаннан – 2017 жылғы 8 қаңтарды қоса алғанда), көктемгі – 13 күн (2017 жылғы 21 наурыздан – 2 сәуірді қоса алғанда).

 

Мектепалды сыныптарда көктемгі каникул 15 күнге созылады (2017 жылғы 21 наурыздан – 4 сәуірді қоса алғанда). Сондай-ақ, мектепалды даярлық сыныптарының оқушылары мен 1-сынып шәкірттеріне қосымша 7 күн (2017 жылғы 1 ақпаннан 7 ақпанды қоса алғанда) каникул белгіленеді.

 

Жазғы каникулдың басталу күні мен созылу мерзімі 2016/2017 оқу жылының аяқталуы жөніндегі министрлік бұйрығында белгіленеді.

 

 2016 жылғы 1 қыркүйекте барлық мектептерінде Қазақстан Республикасы Тәуелсіздігінің 25 жылдығына және Қазақстан Республикасы Конституциясы күніне арналған салтанатты жиын болады. Сонымен қатар бүкіл Республика бойынша «Мәңгілік ел» патриоттық актісі шеңберінде «Мен өз Отанымның патриотымын» бірыңғай білім беру сабағы өткізіледі.

Сабақ жоспарлары сайты,      www.jospar.kz - 1115457

Пікірлер (0)

Пікір жазылған жоқ, алғашқы болыңыз!

Сайт редакциясының

Электронды почтасы:

bioustaz@mail.ru

Блогтағы жазбалар