Жүректің құрылысы

22 наурыз 2015 - Замзагуль Каберова

Мақсаты: Білімділік: Оқушыларға ағзадағы қан айналымының маңызын, жүректің құрылысы және қантамырлар туралы білімді меңгерту, ғылыми көзқарастарын қалыптастыру

Дамытушылық: Оқушылардың алған білімдерін жадында сақтау қабілетін

дамытып жетілдіру, зейін қойып тыңдауға үйрету, өз беттерінше ізденуін

қалыптастыру. Сабаққа белсенділіктері мен қызығушылықтарын арттыру.

Тәрбиелік: Оқушылар арасында ұйымшылдықты және сыйластықты ояту.

Тұлғалық ізгілік қасиеттерге баулу және ұқыптылыққа, салауатты өмірге

тәрбиелеу

Көрнекіліктер: Жүректің,қантамырлардың бөлімдері көрсетілген суреттер, жүректің макеті, элетрондық оқулық, флипчарт. Сабақтың түрі: Жаңа материалды меңгеру.

Сабақтың әдісі: С.Т.О. дамыта оқыту.

Сабақ барысы:

І. Ұйымдастыру бөлімі.

ІІ. Үй тапсырмасын тексеру.

Өтілген «Организмдердің ішкі орасы » тарауы бойынша тапсырмалар беріледі.

Тікелей сұрақтар:

1.Организмнің ішкі ортасын нелер құрайды?

2.Қан қандай ұлпаға жатады?

3.Қан неден тұрады?

4. Эритроциттердің тіршілік ұзақтығы қанша?

5.Лейкоциттердің қызметі

6.«Фагоцитоз» құбылысын ашқан кім?

7.Тромбоциттер қайда түзіледі, бұзылады және қызметі қандай?

8.Қанның ұюына нелер қатысады?

9.Донор, реципиент деп нені айтамыз?

10.Агглютинация деп нені айтамыз?

11.Антиденелер адам ағзасында қандай қызмет атқарады?

12.Иммунитет дегеніміз не? Оның түрлеріне сипаттама беріндер.

ІІІ. Жаңа тақырыпты түсіндіру.

1.Қызығушылықты ояту: «Ой шақыру».

Жанды мотор сынбайды,

Күні-түні тынбайды.

Кейде оның жүрісін,

Дәрігерлер тыңдай (Жүрек)

2. Тарам-тарам бір ғалам,

Айқыш-ұйқыш шырғалаң.

Толған ағыс тоқтаса,

Жоғалады бірге адам. (Қантамырлар)

Адамның денесінде ең маңызды рөл атқаратың не? Ойланып көрейік.

( Адамның суретінен жүрек көрсетіледі )

— Жүрек –қан тамырлары туралы не білеміз?

Кестенің екі бағаны ғана толтырылады.

Білемін

Білгім келеді

Үйрендім

Мұғалім толықтыра отырып, оқушылар өз ойларын айтады.

ІІ. Мағынаны тану. Оқушылар өз бетімен іздене жұмыс істеуі үшін тапсырма беріледі.

Орындалатын тапсырмалар:

1.Жүректің құрылысын зерттеңіз

2.Жүрек жұмысының кезеңдерін сипатта.

3. Артериялар мен веналардың құрылысын салыстыру

4.Капиллярлар қантамырларының құрылысы мен атқаратын қызметі

Уақыт беріледі. Уақыт болғасын оқушылар тапсырма бойынша жауап береді.

Мұғалім әр тапсырмаға қосымша электрондық оқулықтан мәліметтер береді.

ІІІ. Толғаныс.

Оқушыларға өтілген тақырып бойынша мынадай тапсырмалар беріледі:

1.Сурет бойынша құрылысын анықта

Сабақ басында жазылған кестеге оқушылар қайта оралып, үшінші бағанды толтыра отырып, сабақтан нені үйрегендерін жазады.

Білемін

Білгім келеді

Үйрендім

Бағалау: Сабаққа белсене қатысқан оқушылардың білімі бағаланады.

Үй тапсырмасы: §23. Жүректің құрылысы. Қантамырлары. туралы тест (10-15 сұрақ), сөзжұмбақ құрастыру.

Сабақ жоспарлары сайты,      www.jospar.kz - 1124366

Пікірлер (0)

Пікір жазылған жоқ, алғашқы болыңыз!

Сайт редакциясының

Электронды почтасы:

bioustaz@mail.ru

Блогтағы жазбалар