"Бір шаңырақ астында"

10 сәуір 2014 - Амина Сидоллаевна

Күні: 27 қараша

Сынып: 5 «Б»

Мақсаты: оқушыларға Қазақстан елінің тұңғыш президентіміздің өмір мен қызмет жолдарымен, оның қазақ елін қалай тұрғызаны жайлы айту, балаларды таныстыру. Отаншылдық, патриоттық сезімдерін нығайту, мақтан етуге тәрбиелеу.

Міндеттері:

-        президенттің өмірбаянымен, қызметімне, реформаларымен таныстыру;

-        еліне деген махаббат түсініктерін қалыптастыру;

Түрі:  әдеби журнал

Көрнекілігі: презентация, қанатты сөздер, шарлар

 

 

Барысы:

І.Ұйымдастыру кезеңі.

Әнұран орындалады.

Кіріспе сөз.

          Сәлеметсіздер ме, оқушылар! Біз бүгінгі әдеби журналымызды  еліміз, атамекеніміз Қазақстан Республикасының тұңғыш Президенті Нұрсұлтан Әбішұлы Назарбаевқа арнап отырмыз. Осы отырған бәріміздің де жүрегіміз өз отанымыз Қазақстан деп соғады деп ойлаймын. Қазіргі таңда біздің Отанымыз Қазақстан елін дүние жүзі мойындап отыр. Мұнда тұрып жатқан адамдар бейбіт, бақытты өмір кешуде. Әрине оған халқымыздың бірлігі, ынтымағы және ел басының арқасында қол жеткіздік.

ІІ. Әдеби журнал.

Жоспары:

1.     Н.Назарбаевтың өмір жолдары

2.     Н.Назарбаевтың қызметі

3.     Отбасы жағдайы

4.     Ғылыми еңбектері, кітаптары

5.     Н.Назарбаевтың бастамасымен ашылған оқу орындары

6.     Басқа лауазымдары мен мансаптары

7.     Реформалар

1.Н.Назарбаевтың өмір жолдары

Нұрсұлтан Назарбаев 1940 жылы 6 шілдеде Алматы облысының Қарасай ауданына қарасты Шамалған ауылында Әбіш пен Әлжанның отбасысында дүниеге келген. Оған әке-шешесі Нұрсұлтан деп ат қойды.Сәбиге ат таңдаудың өзі жатқан бір хикаяға айналды. Тойға жиналған ағайын-туыс түрлі есімдерді тұс-тұстан айтып жатты. Ең ақырында жаңа туған ұлдың әжесі Мырзабала мынадай ұсыныс білдірді: «Менің сүйікті немерем екі бірдей есімді алып жүрсін. Оның аты Нұрсұлтан болсын».Әлемдегі барлық әжелер секілді Мырзабала да немересінің азамат болып қалыптасуына ерекше еңбек сіңірді.

Әкесі – Әбіш 1903 жылы Алатаудың бөктерінде, Назарбай бидің шаңырағында өмірге келді.Әбіш Назарбаев көңілді, қадірлі адам болды. Ол тек қазақ тілінде ғана емес, орыс және балқар тілдерінде де еркін сөйлейтін. Әбіш қазақ және орыс әндерін беріліп айтатын, әңгімелескен адамын зейін қойып тыңдап, пайдалы кеңес бере білетін.  Әбіш Назарбаев 1971 жылы қайтыс болды.

Анасы Әлжан 1910 жылы Жамбыл облысы Қордай ауданы Қасық аулындағы молданың отбасында дүниеге келді.Үшқоңырға жер аударылған әкесімен бірге келген Әлжан Әбішпен танысады. Ауыл арасында ән салу мен суырыпсалмалық өнерден оның алдына түсетін ешкім жоқ еді. Жарқын жүзді Әлжан ұлын үлкенді құрметтеуге, сыйлауға баулыды, оның ұлттық дәстүрлерге, ән-жырларға, салт-ғұрыптарға құштарлығын оятты. Әлжан Назарбаева 1977 жылы қайтыс болды.

Жасөспірім шағы Нұрсұлтан тек өз сыныбындағы ғана емес, мектептегі ең үздік оқушының бірі болды, сабақты зор ынта-ықыласпен оқыды. Ол өзінің аса құштарлығын білетін ағайын-туыстары әкеп берген кітаптардың бәрін оқып шығуға жан-тәнімен кірісті.  Жас кезінде Іле Алатауының баурайында жазғы демалыс күндерінде әкесіне көмектесіп жүргенде тұңғиық жұлдызды аспан астында жанған алау маңына түнеген романтикалық сәттері де болды. Әке-шешесі осы өлкеде ежелгі заманда өмір сүрген бабалардың берік түп-тамырынан сыр шертетін салиқалы әңгімелер айтып, жан-дүниені тербейтін әндер шырқайтын. Кез келген қазақ білмеуі ұят саналатын жеті ата туралы айтылатын. Ұрпақтан ұрпаққа жалғасып, қазақтың өткені мен болашағын жалғап келе жатқан халықтың осы бір ауыр, бірақ үйлесімді тіршілігінің мәңгі және аса мәнді екенін сезінетін.Ол, әсіресе, ежелгі аңыздар мен бабалардың наным-сенімдері туралы үлкендер айтатын әңгімелерді ықыласпен тыңдайтын.

 

2.Қызмет жолы

v1960 жылы Днепродзержинск техникалық училищесін, 1967 жылы Қарағанды металлургия комбинатына қарасты жоғары техникалық оқу орынын, 1976 жылы Кеңес Одағы коммунистік партиясы Орталық комитетіне қарасты Жоғары партия мектебін бітірген.

vЕңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдаушылығына дейінгі жолдан өтті.

v1960—69 жж. — Қарағанды металлургия зауытында жұмыс істеді.

v1969—73 жж. — Қарағанды облысы Теміртау қаласындағы партия-комсомол жұмыстарында жауапты қызметтер атқарды.

v1973—77 жж. — Қарметкомбинаттың партком хатшысы.

v1977—79 жж. — Қарағанды облыстық партия комитетiнiң хатшысы, 2-ші хатшысы.

v1979—84 жж. — Қазақстан КП Орталық Комитетінің хатшысы.

v1984—89 жж. — Қазақ КСР Министрлер Кеңесiнiң төрағасы.

v1989—91 жж. — Қазақстан КП ОК бiрiншi хатшысы,

v1990 ж. ақпан—сәуір аралығында Қазақ КСР Жоғары Кеңесiнiң төрағасы болды.

v1990 ж. сәуірінен — Қазақ КСР президенті.

v1991 ж. желтоқсанның 1-інде тұңғыш рет Қазақстан Республикасы Президентінің жалпыхалықтық сайлауы өтті. Сайлау нәтижесінде Нұрсұлтан Әбішұлы Назарбаев басым дауыспен (98,7 %) жеңіске жетті.

v1995 ж. сәуірдің 29-ында жалпыхалықтық референдум нәтижесінде Қазақстан Республикасы Президенті Н.Ә.Назарбаевтың өкілеттігі 2000 ж. дейін ұзартылды.

v1999 ж. қаңтардың 10-ында өткен жалпыхалықтық сайлаудың нәтижесiнде Н. Назарбаев 79,78 % дауыс алып, Қазақстан Республикасы Президенті болып қайта сайланды.

v2005 ж. желтоқсанның 4-інде сайлаушылардың 91,5 % дауысын алып, Қазақстан Республикасының Президенті болып қайта сайланды.

 

3.Отбасылық жағдайы

 

Жұбайы — Сара Алпысқызы — Халықаралық «Бөбек» балалар қайырымдылық қорын басқарады.

Президенттің үш қызы бар:

Дариға — саясат ғылымдарының докторы, ЖАҚ «Хабар» Ақпараттық агенттігінің директорлар Кеңесінің Төрайымы, Қазақстан Республикасы Парламенті Мәжілісінің депутаты.

Динара — Н.Ә. Назарбаев атындағы білімді қолдау қорын басқарады. Forbes журналының мәліметі бойынша 2011 ж. наурыз айына қарасты 1.3 миллиард АҚШ долларын құрайтын әл-ауқатымен Қазақстанның ең бай әйелі боп саналады. Тимур Құлыбаевтың жұбайы.

Әлия — бизнеспен айналысады, «Элитстрой» құрылыс компаниясын басқарады.

Н. А. Назарбаевтың жеті немересі және екі шөбересі бар.

 

4.Ғылыми еңбектері. Кітаптары

Н.Назарбаев бірқатар ғылыми еңбектердің және әлеуметтік-экономикалық даму мәселелері мен қоғамдық-саяси тақырып бойынша кітаптардың авторы:

ü«Важнейшее условие интенсификации» (А., 1983),

ü«Стальной профиль Казахстана» (А., 1984),

ü«Экономика Казахстана: реальность и перспектива становления» (А., 1988),

ü«Без правых и левых» (М., 1991), «Стратегия развития Казахстана как суверенного государства» (А., 1992),

ü«Стратегия ресурсосбережения и переход к рынку» (М., 1992),

ü«Идейная консолидация общества как условие прогресса Казахстана» (А., 1993),

ü«Нарық және әлеуметтік-экономикалық даму» (А., 1994),

ü«Ғасырлар тоғысында» (А., 1996),

ü«Евразийский союз: идеи, практика, перспективы» (М., 1997),

ü«Тарих толқынында» (А., 1997),

ü«О времени, о судьбах, о себе...» (Лондон, 1997),

ü«Стратегия трансформации общества и возрождение евразийской цивилизации» (М., 2002),

ü«Бейбітшілік кіндігі» (А., 2002),

ü«Сындарлы он жыл» (А., 2002),

ü«Еуразия жүрегінде» (А., 2005).

 

5. Назарбаевтың бастамасымен ашылған оқу орындар

1)    Халықаралық ақпараттық технологиялар университеті

2)    Қазақстан менеджмент институты

3)    Экономика және болжау институты

4)    Қожа Ахмет Ясауи атындағы Халықаралық Қазақ-Түрік университеті

5)    Н. Гумилев атындағы Еуразия университеті

6)    Ұлттық Мемлекеттік заң университеті

7)    Назарбаев Университетi

8)    Назарбаев Зияткерлік Мектебі

9)    бірқатар лицейлер мен колледждер

10)Президенттік «Болашақ» бағдарламасы іске асуда, ол бойынша жастар дүние жүзінің ірі оқу орындарында білім алып жатыр.

11)Аса талантты балалар үшін президенттік «Дарын» сыйлығы тағайындалған.

6. Басқа лауазымдары мен мансаптары

ØЭкономика ғылымдарының докторы (1993)

ØҚР ҰҒА-ның (1995) және басқа да ғылыми мекемелер мен шетел оқу орындарының академигі

ØҚазақстан халқы Ассамблеясының төрағасы

ØҚазақстанның Қарулы Күштерінің Жоғары Бас Қолбасшысы

ØДүниежүзілік қазақтар қауымдастығының төрағасы

ØНұр Отан Халықтық-демократиялық партиясының төрағасы

ØДүние жүзі қазақтары ассоциациясының төрағасы

ØОрталық Азия мемлекеттері Достық қорының құрметті төрағасы

ØЕҚЫҰ-нің бас төрағасы

ØБірнеше жыл Халықаралық Аралды құтқару қорын басқарды

 

ØҚазақстан Республикасы Ұлттық ғылым академиясының, Халықаралық инженерлік академияның, Ресей Федерациясы әлеуметтік ғылымдар академиясының академигі. Әл-Фараби атындағы Қазақ мемлекеттік ұлттық университетінің құрметті профессоры. Беларус ғылым академиясының құрметті мүшесі. М.В. Ломоносов атындағы Мәскеу мемлекеттік университетінің құрметті профессоры.

 

ØНазарбаев – Қазақстанның ең жоғары ерекшелік белгісі – ерекше үлгідегі «Алтын Қыран» орденімен, сондай-ақ әлемнің көптеген елдерінің, халықаралық және қоғамдық ұйымдардың жоғары наградаларымен марапатталған.

 

7.Реформалары

Жаңа тәуелсіз мемлекет – Қазақстан Республикасының (16.12.1991) – дамуы, барлық атрибуттары – ұлттық қауіпсіздік, мемлекеттік басқару және биліктің бүкіл тармақтарының өзара әрекет ету жүйесі – бар ұлттық мемлекеттіліктің қалыптасуы Назарбаев есімімен тығыз байланысты. Назарбаев басшылығымен конституциялық құрылыс процесі жүзеге асты, ол 1995 жылдың тамызында еліміздің Негізгі Заңын қабылдаған бүкілхалықтық референдуммен аяқталды. Қазақстанда демократиялық институттарды құру Назарбаевтың аса зор еңбегі болып табылады. Сөз бен баспасөз бостандығы, сайлау және сайлану құқығы, партиялар мен қоғамдық бірлестіктер құру құқығы, дін бостандығы сияқты азаматтық қоғамның мызғымас құндылықтары нақ соның тұсында ғана конституциялық нормаларға айналды.

1992 жылдың басында Назарбаев «Қазақстанның егеменді мемлекет ретінде қалыптасуы мен даму стратегиясын» әзірлеп, елдің ішкі және сыртқы саясатының бағыт-бағдарын айқындады.

Назарбаевтың «Қазақстан-2030» стратегиясы мемлекет дамуының басым бағыттарын айқындады. 2006 жылғы халыққа Жолдауында Қазақстанның бәсекеге қабілетті елу елдің қатарына кіру стратегиясы белгіленген.

Назарбаевтың экономист және саясаткер ретіндегі жеке беделі елде қолайлы инвестициялық ахуалдың қалыптасуына, көптеген мемлекеттермен және халықаралық қаржы институттарымен қарқынды экономикалық ынтымақтасуға игі ықпал етті. Республикада ауылды дамытуға, кедейлікпен күресуге, тұрғын үй құрылысын дамытуға және т.с.с. бағытталған ірі-ірі әлеуметтік бағдарламаларды іске асыру басталды.

Назарбаев индустриалды-инновациялық даму стратегиясын әзірледі, инвестициялық және инновациялық қорлар құрылды.

Қысқа мерзім ішінде халықаралық ынтымақтастық тұжырымдамасын қалыптастырды. Оның көптеген бастамалары кең халықаралық жаңғырық тапты әрі мойындалды. Мәселен, Семей ядролық полигонын жабу, ядролық держава мәртебесінен бас тарту, жаһандық және өңірлік қауіпсіздікті қамтамасыз ету жөніндегі дәйекті қызмет, т.б. Назарбаев ТМД, ОАО, Кеден одағы, Шанхай Ынтымақтастық Ұйымы (ШЫҰ), Еуразия одағы сияқты халықаралық құрылымдарды дүниеге әкелудің бастамашысы. Ол БҰҰ Бас Ассамблеясының 47-сессиясында құруды ұсынған Азиядағы өзара ықпалдастық пен сенім шаралары жөніндегі кеңес (АӨСШК) іс жүзінде жұмыс істей бастады. Назарбаев мәдениеттердің, діндердің, өркениеттердің жүйелі сұхбаттасуын жолға қоюға көп көңіл бөледі. 2003, 2006 жылдары Астанада әлемдік діндер көшбасшыларының съездері табысты өтті.

ІІІ. Қорытынды.

 

 

 

Сабақ жоспарлары сайты,      www.jospar.kz - 1084962

Пікірлер (0)

Пікір жазылған жоқ, алғашқы болыңыз!

Сайт редакциясының

Электронды почтасы:

bioustaz@mail.ru

Блогтағы жазбалар