Агентомания

28 наурыз 2014 - ӘСЕЛ
Агентомания

Тақырыбы: Агентомания ( агенттің пайдасы мен зияны)

Мақсаты:Қазіргі «ХХІ ғасыр білім мен ғылымның ғасыры болады» -деп Елбасымыз Н. Ә. Назарбаев айтқандай, қоғамымыз, жастарымыз заман талабына сай жаңа ақпараттық технологиямен жұмыс жасауға бет бұрып келеді. Соның ішінде Интернет пен агенттің алатын орны жоғары көрсеткіште тұр. «Таяқтың екі ұшы бар» дегендей интернет пен агенттің де жақсы- жаман жақтары бар. Біз осы жайында өз ой- пікірімізді  таразыға салып көрейік.

                                         Сабақ барысы:

І.Ұйымдастыру

ІІ. Ой қозғау

 Өнер, білім бар жұрттар

 Тастан сарай салғызды.

 Айшылық алыс жерлерден

 Көзіңді ашып-жұмғанша

 Жылдам хабар алғызды

-         Осы хат-хабарды жылдам жеткізіп, ақпарат алмасып отыратын құрылғымыз не?

-         Ғаламтор. Агент

 

ІІІ. Көрініс «АГЕНТ және ЖАСТАР»

Оқушылардың барлығы қолдарында ұялы телефон, агентте отырады.

Мұғалім:

Оқушы мына жастардың,
Келешегін ойланам.
Зейінді алғыр жастар аз
Білімге терең бойлаған
Интернет пен агент тұр
Бар әлемді жайлаған
Алыстатып білімнен
Жастардың жолын байлаған
Оқып білім алмаған
Дей ме екен жастар «қой бағам»

Тосқауыл қойып агентке
Ден қою керек білімге
Өмірге керек қорегің
Ойлаңдар жастар білімде
Көп оқыңдар кітапты
Өзіңнің ана тіліңде
Агентке алданып
Тегіс жерде сүрінбе
Кітаптан алсаң білімді
Жарқырап сенің тұрады
Аспандағы күніңде

 

Оқушы:
Керекшіні өмірге
Агентен аламыз
Мұхитың өзен теңізің
Ішінде барлық қаламыз
Іздегеннің барлығын
Агенттен табамыз
Оқыңдар дейді кітапты
Мұғалім ата-анамыз
Кітапты оқи күндіз -түн
Қатардан қалай қаламыз
Агентке біздердің
Уланып қалған санамыз

 

 

Ата-ана:
Интернет агент бұл күнде
Жаулайды жастар санасын
Кітаптан емес керегін
Агентен болды табатын
Қатаймайды қанатың
Ой санаңды аздырып
Жастарым қайда боласың
Ұстаздан білім алмасаң
Робот болып қаласың
Жасалу керек бір жагдай
Агентке тоқтау салатын.

 

Мұғалім: Көріністі көріп тамашаладыңыздар. Ендеше бүгінгі сабағымыздың тақырыбы да белгілі сыңайлы. Агентомания. Ал сабағымыздың мақсаты: Қазіргі «ХХІ ғасыр білім мен ғылымның ғасыры болады» -деп Елбасымыз Н. Ә. Назарбаев айтқандай, қоғамымыз, жастарымыз заман талабына сай жаңа ақпараттық технологиямен жұмыс жасауға бет бұрып келеді. Соның ішінде Интернет пен агенттің алатын орны жоғары көрсеткіште тұр. Бүгінгі мектеп алды даярлық тобымен жасөспірім оқушылар және үлкенді кіші адамдар интернет және агент арқылы хат алысып, танысып, тіпті агент арқылы үйленіп, отбасын құрып жатыр. «Таяқтың екі ұшы бар» дегендей интернет пен агенттің де жақсы- жаман жақтары бар. Біз осы жайында өз ой- пікірімізді  таразыға салып көрейік.

Мail.ru Агент – онлайн жүйесінде қарым-қатынас жасауға арналған ресейлік танымал бағдарлама. Мобильді агент – сол майл ру агенттің телефонға қондырылған нұсқасы. Бұл ұғымдар артық жарнаманы, түсіндіруді қажет етпейді. Өйткені оны қазір екінің бірі біледі.

 

Барлығымыз да қолданамыз, игілігімізге жаратып жүрміз. Қандай пайдасы бар екен?

Пайдасы:

•      1.Алысты жақындату

•      2. Агентте достарыңмен қарым-қатынасың үзілмейді,үнемі байланыста боласың.

•      3.Әлемде болып жатқан жаңалықтардан сол сәтте хабардар болу.
4.Интернет арқылы мәтінді, хабарламаны, құжаттарды, фото, аудио, видео материалдарды қабылдап алуға не керісінше жіберуге болады;
5.Күн сайын емес, сағат сайын, сәт сайын бүкіл әлем жаңалықтарымен танысып отыруға;
6.Кез келген тақырыпқа қатысты материалдар, анықтамалар алуға;
 7.Агент тиімді әрі бағасы да арзан қарым-қатынас жасауға арнайы шығарылған пайдалы дүниелер

•      8. Жаңа достар табасың.

 

 

 

-         Слайдта берілген суреттерге қарайықшы. Не көріп тұрмыз, бұл жөнінде не айтуымызға болады?

-         Зияны

Мail.ru компаниясының мәліметінше, Мail.ru агентті айына 11 миллион адам пайдаланса, бір минутта бір мезгілде оны 2 млн. адам қолданады екен.  Әрине, уақытымен, орынды қолданса қажетіне жаратқаны болар. Ал, мөлшерінен асырса – ауру. Осы дертке шалдыққандардың не ұйқысы қанбайды, не жұмысы өнбейді, айналасымен, кәдімгі ата-ана, туыс-туғандарымен қарым-қатынасы өзгешеленіп кетеді екен. Телефон және компьютер пернетақталарын үздіксіз әрі көп пайдалану жүйке жүйесімен қоса, қол буындарының ауруын туғызады. Қолмен бір қимылды күн сайын қайталау буындардың ортасындағы жүйкенің қыстырылуына әкеліп соқтырады, соның салдарынан саусақтар ауырып, кейде тіпті жансыздануы мүмкін. Францияда жылына осындай 80 адамға ота жасалады екен. Ал телефонды өте көп қолданатындардың жүйке жасушалары өзгеріске ұшырап, ми жұмысы өзгереді екен.

Ең алдымен, баланың көру қабілеті төмендейді, себебі, бұлшық еттері қатаймаған жасөспірімнің көздері шаршайды.

Компьютер алдында көп отыру жас балдырғанның омыртқа сүйегін зақымдайды. Қозғалыссыз отыру, қолмен ғана бірыңғай жұмыс істеу, содан ағзаға салмақ түсуі баланың жүйке қызметін бұзып, мойнына тұз бен суықтың жиналуына (остеохондроз) әсер етеді.

Жамбас сүйектің үнемі қозғалыссыз қалуы қабынуы (простатит) мен тоқ ішектегі тамырдың кеңеюі (геморрой) ауруына ұшыратады.

Ми қызметіне де кері әсер етеді, ойлау қабілетінің төмендейді, көңіл бөлу мен есте сақтаудың кемиді, бас ауруы мен ұйқысыздық, көңіл күйдің құлазуы жиі байқалады.

Гормональдық тепе — теңдікті бұзады, иммунитетті нашарлайды.

Әр түрлі құмар ойындары, зиянды бағдарламалардың көптігі. Алаяқтар мен хакерлер жастарды ғаламторға тәуелді етіп, бұлыңғыр қарым — қатынас, виртуальды әлемге қызықтырып, ақыл — ойы әлі қалыптаспаған ұл — қыздарымызды еліктіріп, есінен айырады.

1. Уақыттың құр босқа кетуі

2. Таңды таңға атыру

3.Компьютерде  көп отырып мойныңа тұз жиналады.

4. Ұялы телефонмен отыратындарға бірліктің соры

5. Қатып қалғанда кейбіреулер жүйкесін сол үшін жұқартады

6. Көздің нашарлауы

7. Кейбіреулер осы өмірді ұмытып өтірік мир ашып алып виртуальды өмірде өмір сүретіндер де бар

8. Агент сабақ оқуыңа кедергі келтіреді

9. Агент – сауатсыз  жазу мен  сауатсыз сөйлеудің айқын кепілі        

10. Ой- өрісінің дамуына кедергі келтіреді

11. Ана тіліміз бұрмаланып, орфографиялық заңдылықтар сақталмауда. Мұнда қазақ қарпі жоқ. Сосын амалсыз «ә»-ні «а», «і»-ні «и» деп бұрмалайсың. Ал агенттің қазақша нұсқасы қарныңды аштырады. «Қотарылуда», «Контактіге тінтуірді апарғанда қалқымалы кеңестерді көрсету», «Бейне шеттеріне жабысып қалу мүмкіндігі»… «Тұған күні бүрсүгіннен кейінгі күні» Осылардан бірдеңе түсіндіңіз бе?

Мәлімет

Интернет — тәуелділік» ұғымы 1990 жылы пайда болды. Мамандар тәуелділіктің бұл түрін «мания»сынды психикалық ауруға жатқызады.
* Ресей психологтарының мәліметтері бойынша компьютерлік, мобильдік агент пайдаланатын адамдардың 60 — 70% оған тәуелді болады екен. Бұл тәуелділік кез – келген шақта пайда болуы мүмкін, алайда жасөспірімдер оған әлде қайда бейімдірек болып табылады. Себебі жасөспірімдер дара ерекшеліктеріне сәйкес, кез келген жағдайға тез бейімделгіш болып келеді. Бірақ жасөспірім қандай да болмасын іс — әрекетке түрткі арқылы барады, яғни оның белгілі бір іс — әрекетке баруына өзіндік мотив әсер етеді.
* Интернет – тәуелділігінің қалыптасуы біртіндеп жүреді.
Берілген тәуелділіктің қалыптасуының кезеңдерін бөліп көрсетуге болады:
* 1. Жеңіл қызығушылық кезеңі.
* 2. Қызығушылық кезеңі.
3. Тәуелділік кезеңі.
4. Құштарлық кезеңі.
* Ғаламтор мен ұялы телефондағы агентке тәуелділіктің апаратын жолы:
* Зорлық — зомбылық
* Қылмыс
* Жыныстық бұзылу
* Діншілдік
* Суицид
* Жүйке жүйесінің тозуы
* Әртүрлі аурулар (денсаулыққа зияны)

V. «АГЕНТОМАНИЯДАН» ҚАЛАЙ АЙЫҒАМЫЗ?

Қазіргі жастар «агенті бардың күні – жарық, агенті жоқтың күні – қаріп» дегеннің кебін киіп отыр.

Психолог Төреғали Батырханұлы жастар майл-агентке әуестеніп, мания сынды психикалық ауруға душар болуы мүмкін. Интернетке таңылғанша жастардың көзбе-көз қызу әңгіме өткізетін арнайы клубтарға жазылғаны дұрыс дейді. Психологтың сөзінің жаны бар. Түрлі тақырыптар төңірегінде ой бөлісіп, жастардың бір-бірімен тікелей қарым-қатынас жасауына мүмкіндік тудыратын арнайы пікір клубтары көбейсе, шіркін! Олар қызықты тақырыптар көтеріп, агент тәрізді жастарды тарса ғой. Сонда бәлкім біздің жастар агент «ауруынан» айығар ма еді…

 

Оқушылар өз пікірлерін ортаға салады. Алтын ереже құрады. Ата-ана ережелерімен таныстыру.

 

Алтын ереже

1.     Ғаламтор желісін мақсатты қолдану

2.     Уақытпен санасу

3.     Тек таныс адамдармен байланыс жасау

4.     Қоғамдық іс-шараларға белсене қатысу

5.     Үйірмелерге қатысу

6.     Уақытты тиімді пайдалану

7.     Агенттегі ақпараттардың үнемі шындыққа жанаспайтынын ескеріп, оған сын көзімен қарау қажет

8.     Ата –ана мен мұғалім қойған талап, тәртіптерге бағыну

 

Ата-ана:

                  

•      Жастарды ғаламтордың зиянынан сақтандыру үшін кез келген ата — ана баласына оны пайдаланудың шарттарын айтып түсіндіруге;

•      Кәмелетке жасы толмаған балалардың электронды поштасына енуге ата — анасының мүмкіндігі болуға тиіс;

•      Ғаламтор балаларға қауіпсіз болсын десек, оны үнемі жаңа бағдарламалармен жабдықтап, спамфильтр орнату, қауіпсіздік туралы ақпараттарды біліп отыруы;

•      Баланың ғаламтордағы компьютерлік ойындарға тәуелділігін тексеріп, сол бойынша тиісті шаралар қолданып отыру;

 

 

 

 

VI.Қорытынды

Мағжан Жұмабаевтың «Мен жастарға сенемін» атты өлеңінде осы заман айғағы ретінде бейнелеген.
Тау суындай гүрілдеп,
Айбынды алаш елім дер
Алтын арқа жерім дер
Мен жастарға сенемін!
Қажу бар ма сұңқарға
Талу бар ма тұлпарға
Иман күшті оларда
Мен жастарға сенемін!
Алаш айбынды ұраны,
Қасиетті құраны.
Алаштың олар құрбаны,
Мен жастарға сенемін.
Мен сенемін жастарға
Алаш атын аспанға
Шығарар олар бір таңда
Мен жастарға сенемін – дегендей ,

ХХІ ғасыр – жастардың, жаңа ақпараттық технологиялардың ғасыры. Ендеше ғасырдың сыйынан қалыс қалмайық. Еңсесі биік, егеменді еліміздің адалдықты ту еткен алғыр ойлы адал азамат ұл- қыздары көп болғай.

                           

 

 

 

 

 

 

 

 

 

 

 

                           «Үздік сынып жетекшісі-2014 »

 

 

 

 

                Тәрбие сағаты

 

 

 Тақырыбы: « АГЕНТОМАНИЯ»

 

 

 

 

 

 

 

 

 

 

 

 

              Дайындаған: Бейнеу ауданы «Атамекен орта мектебі»

                                                               қазақ тілі мен әдебиеті пәні мұғалімі

                                                    Өсербаева Әсел Берікбайқызы

 

 

 

 

 

 

 

 

 

 

 

                                   Ақтау 2014ж.

 

 

Осыған ұқсас жазбалар:

Тәрбие сағатыДосымның тілі – менің тілім

Тәрбие жоспарыСыр- сұхбат

Тәрбие сағатыНаурыз- жыл басы

БастауышЗиянды заттардың алдын алу

БастауышМақтанышым-мемлекеттік рәміздер

Сабақ жоспарлары сайты,      www.jospar.kz - 1068804

Пікірлер (0)

Сайт редакциясының

Электронды почтасы:

bioustaz@mail.ru